Home News National news കോഴിക്കോടും വിൽപ്പനയ്ക്ക്. കോഴിക്കോട് രാജ്യാന്തര വിമാനത്താവളം 2025 നകം സ്വകാര്യവൽക്കരിക്കുമെന്നു കേന്ദ്ര വ്യോമയാന മന്ത്രാലയം

കോഴിക്കോടും വിൽപ്പനയ്ക്ക്. കോഴിക്കോട് രാജ്യാന്തര വിമാനത്താവളം 2025 നകം സ്വകാര്യവൽക്കരിക്കുമെന്നു കേന്ദ്ര വ്യോമയാന മന്ത്രാലയം

59

ന്യൂഡൽഹി: രാജ്യസഭയിൽ ജെബി മേത്തർ എം പി യുടെ ചോദ്യത്തിന് മറുപടിയായി കേന്ദ്ര വ്യോമയാന സഹമന്ത്രി വി.കെ.സിങാണ്
2025 നകം കോഴിക്കോട് രാജ്യാന്തര വിമാനത്താവളം സ്വകാര്യവൽക്കരിക്കുമെന്നു അറിയിച്ചത്. എയർപോർട്ട് അതോറിറ്റി ഓഫ് ഇന്ത്യയുടെ കൈവശമുള്ള 25 വിമാനത്താവളങ്ങളാണ് 2022– 25 കാലയളവിൽ സ്വകാര്യവൽക്കരിക്കാൻ നിശ്ചയിച്ചിരിക്കുന്നത്. ഇതിൽ കരിപ്പൂരിനു പുറമെ ഭുവനേശ്വർ, വാരാണസി, അമൃത്‌സർ, തിരുച്ചിറപ്പള്ളി, ഇൻഡോർ, റായ്പുർ, കോയമ്പത്തൂർ, നാഗ്പുർ, പട്ന, മധുര, സൂററ്റ്, റാഞ്ചി, ജോധ്പുർ, ചെന്നൈ, വിജയവാഡ, വഡോദര, ഭോപാൽ, തിരുപ്പതി, ഹുബ്ലി, ഇംഫാൽ, അഗർത്തല, ഉദയ്പുർ, ഡെറാഡൂൺ, രാജമുന്ദ്രി എന്നിവയും പട്ടികയിലുണ്ട്. ചിലതിന്റെ സ്വകാര്യവൽക്കരണ നടപടികൾ ആരംഭിച്ചിട്ടുമുണ്ട്. 3 വർഷം മുൻപ് വിമാനാപകടം ഉണ്ടായതിനു ശേഷം കോഴിക്കോടു വിമാനത്താവളത്തിലേക്കുള്ള വലിയ വിമാനങ്ങളുടെ സർവീസ് നിർത്തിവച്ചിരിക്കുകയായിരുന്നു.

സ്വകാര്യവൽക്കരണം ലക്ഷ്യമാക്കിയാണു ഇവിടെ വികസന പദ്ധതികൾ നടപ്പാക്കാത്തതെന്നു നേരത്തേ തന്നെ വിവിധ സംഘടനകൾ ആരോപണമുന്നയിച്ചിരുന്നു. വ്യോമയാന വിദഗ്ധരുടെയും കോഴിക്കോടു നാഷനൽ ഇൻസ്റ്റിറ്റ്യൂട്ട് ഓഫ് ടെക്നോളജിയുടെയും സഹായത്തോടെ തയാറാക്കിയ ചെലവു കുറഞ്ഞ ബദൽ പ്ലാൻ എം.കെ.രാഘവൻ എംപി 2 വർഷം മുൻപ് എയർപോർട്ട് അതോറിറ്റിക്കു നൽകിയിരുന്നു.
നിലവിലെ റൺവേയുടെ കിഴക്ക് അതോറിറ്റിയുടെ കയ്യിലുള്ള 721 മീറ്റർ നീളവും, 108 മീറ്റർ വീതിയുമുള്ള 19.46 ഏക്കർ ഭൂമിക്ക് പുറമേ 43.11 ഏക്കർ ഭൂമി മാത്രം ഏറ്റെടുക്കുകയാണെങ്കിൽ റൺവേ 3400 മീറ്ററായി വികസിപ്പിക്കാൻ സാധിക്കുമെന്ന് പ്ലാനിൽ ചൂണ്ടിക്കാണിച്ചിരുന്നു. എന്നാൽ ഇതു പരിഗണിക്കപ്പെട്ടില്ല.

Previous articleവൈക്കം തലയോലപ്പറമ്പിൽ ദമ്പതികളെ വാടക വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. കാളിവേലിൽ സുരേന്ദ്രൻ, ഭാര്യ രമണി എന്നിവരാണ് മരിച്ചത്
Next articleസമൂഹമാധ്യമങ്ങളിലൂടെ അപകീർത്തിപ്പെടുത്തുന്നു: നടൻ ടോവിനോയുടെ പരാതിയിൽ പോലീസ് കേസ് രജിസ്റ്റർ ചെയ്തു