Home News Kerala News കഞ്ചാവ്‌ കേസ്‌ പ്രതികളുടെ ആക്രമണം. തലശ്ശേരി എക്സൈസ് ഓഫീസ് അടിച്ചുതകർത്തു

കഞ്ചാവ്‌ കേസ്‌ പ്രതികളുടെ ആക്രമണം. തലശ്ശേരി എക്സൈസ് ഓഫീസ് അടിച്ചുതകർത്തു

90

കണ്ണൂർ: കഞ്ചാവുമായി പിടിയിലായ സംഘത്തെ തലശേരി എക്സൈസ് ഓഫീസിൽ എത്തിച്ചപ്പോഴാണ് സിനിമയെ വെല്ലുന്ന രംഗങ്ങൾ അരങ്ങേറിയത്. ധർമടം സ്വദേശി ഖലീൽ, പെരിങ്ങത്തൂർ സ്വദേശി സുൽത്താൻ ജമാൽ എന്നിവരാണ്‌ അക്രമം നടത്തിയത്. ഓഫീസിൽ ഉണ്ടായിരുന്ന കംപ്യൂട്ടർ സ്കാനർ, പ്രിന്റർ, ടേബിൾ, ഫാൻ എന്നിവ സംഘം നശിപ്പിച്ചു. ഇന്നലെ വൈകുന്നേരം തലശേരി ടൗണിലെ സ്വകാര്യ ലോഡ്ജിന് മുന്നിൽ നിന്നാണ് കഞ്ചാവുമായി ഇരുവരെയും പിടിയിലായത്. ഖലീലിന്റെ കൈവശം 18 ഗ്രാമും ജമാലിന്റെ കൈവശം 22 ഗ്രാമും കഞ്ചാവ് ഉണ്ടായിരുന്നു. എക്സൈസ് ഓഫീസിൽ എത്തിച്ചപ്പോൾ ജമാൽ അക്രമാസക്തനായി ഉദ്യോഗസ്ഥരെ കൈയേറ്റം ചെയ്യാൻ ശ്രമിച്ചു. ഉദ്യോഗസ്ഥർ ഏറെ പണിപ്പെട്ടാണ് ഇയാളെ കീഴടക്കിയത്. കഴിഞ്ഞ ദിവസം ഖലീലിനെ എക്സൈസ് സംഘം പിടികൂടിയിരുന്നു. ജാമ്യത്തിൽ ഇറങ്ങിയ ശേഷമാണ് വീണ്ടും കഞ്ചാവുമായി അറസ്റ്റിലായത്‌. അസി. എക്സൈസ് ഓഫീസർ സെന്തിൽ കുമാർ, പ്രിവന്റീവ് ഓഫീസർ വി കെ ഷിബു, എക്സൈസ് ഉദ്യോഗസ്ഥരായ ലിമേഷ്, വി കെ ഫൈസൽ, യു ഷെനിത്ത് രാജ്, ജസ്ന ജോസഫ്, എം ബീന എന്നിവരാണ് സംഘത്തെ പിടിച്ചത്‌.

Previous articleഐസ്‌ക്രീമിൽ എലിവിഷം ചേർത്ത് കഴിച്ച് യുവതി അവശനിലയിൽ. സംഭവം കണ്ണൂർ പേരാവൂരിലെ കൂൾബാറിൽ
Next articleഓട്ടോമാറ്റിക്ക് കാറുകൾക്ക് ഇനി പ്രത്യേക ലൈസൻസ്. ഈ ലൈസൻസ് ഉപയോഗിച്ച് ഗിയര്‍ വാഹനങ്ങള്‍ ഓടിക്കാന്‍ അനുമതി ഉണ്ടാകില്ല