Home Agriculture കോതമംഗലത്ത് കെഎസ്ഇബി ജീവനക്കാർ വാഴക്കുലകൾ വെട്ടിയ സംഭവം: സർക്കാർ പ്രഖ്യാപിച്ച നഷ്ടപരിഹാരം കർഷകന് കൈമാറി

കോതമംഗലത്ത് കെഎസ്ഇബി ജീവനക്കാർ വാഴക്കുലകൾ വെട്ടിയ സംഭവം: സർക്കാർ പ്രഖ്യാപിച്ച നഷ്ടപരിഹാരം കർഷകന് കൈമാറി

86

കൊച്ചി: കോതമംഗലം വാരപ്പെട്ടിയിൽ 220 കെ വി ലെെനിന് കീഴിൽ കൃഷി ചെയ്ത കുലച്ച വാഴകൾ കെഎസഇബി ജീവനക്കാർ വെട്ടിമാറ്റിയ സംഭവത്തിൽ കർഷകൻ തോമസിന് സർക്കാർ പണം കെെമാറി. നഷ്ടപരിഹാരമായി 3.5 ലക്ഷംരൂപയാണ് സർക്കാർ നൽകിയത്. ചിങ്ങം ഒന്ന് കർഷക ദിനത്തിൽ കോതമംഗലം എംഎൽഎ ആന്റണി ജോൺ തോമസിന്റെ വീട്ടിലെത്തിയാണ് പണം കൈമറിയത്. മുഖ്യമന്ത്രിയ്ക്കും കേരള സർക്കാരിനും എംഎൽഎ യക്കും തോമസ് നന്ദി പറഞ്ഞു. പഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ , തഹസീൽദാർ റെയ്ച്ചൽ കെ വർഗീസ്, എഫ് ഐ ടി ചെയർമാൻ ആർ അനിൽകുമാർ , പഞ്ചായത്ത് വൈസ് പ്രസിഡന്റ് ബിന്ദു ശശി, പഞ്ചായത്ത് അംഗങ്ങൾ മുൻ പഞ്ചായത്ത് പ്രസിഡന്റ് നിർമ്മല മോഹനൻ , എം പി ഐ ചെയർമാൻ ഇ കെ ശിവൻ, സിപിഐ എം ലോക്കൽ സെക്രട്ടറി എം പി വർഗീസ്, കെ എസ് ഇ ബി ട്രാൻസ്മിഷൻ ഡയറക്ടർ സജി പൗലോസ്, തൊടുപുഴ ട്രാൻസ്മിഷൻ ഡെപ്പ്യൂട്ടി ചീഫ് എൻജിനീയർ അനിൽ കുമാർ ജി, കോതമംഗലം ട്രാൻസ്മിഷൻ എക്സിക്യൂട്ടിവ് എഞ്ചിനീയർ റുഖിയ, സബ് ഡിവിഷൻ അസിസ്റ്റൻറ് എക്സിക്യൂട്ടിവ് എഞ്ചിനീയർ ജോൺസൺ മാനുവൽ , കൃഷി ഓഫീസർ ഇ എം മനോജ് തുടങ്ങിയവരും എം എൽ എയ്ക്ക് ഒപ്പമുണ്ടായിരുന്നു. സഹായധനത്തിൽ പൂർണ്ണ തൃപ്തനാണെന്നും അദ്ദേഹം പറഞ്ഞു.

വാരപ്പെട്ടിയിൽ കണ്ടംപാറ കാവുംപുറത്ത് തോമസിന്റെ നാന്നൂറോളം വാഴകളാണ് കെഎസ്ഇബി ജീവനക്കാർ വെട്ടിയത്. ഉയരത്തിൽ വളർന്ന വാഴകെെകൾ വെെദ്യുതി ലെെനിൽ തട്ടി അപകടം ഉണ്ടാകുന്നത് ഒഴിവാക്കാനാണ് ജീവനക്കാർ വാഴകൾ വെട്ടിയത്. എന്നാൽ ഓണവിപണി ലക്ഷ്യമിട്ട് വളർത്തിയ വാഴകർ വെട്ടിയത് കനത്ത നഷ്ടമാണ് തോമസിനുണ്ടാക്കിയത്. ഇത് പരിഹരിക്കാൻ വെെദ്യുതി – കൃഷി മന്ത്രിമാർ ചർച്ച നടത്തിയാണ് നഷ്ടപരിഹാരം നൽകുവാൻ തീരുമാനിച്ചത്.

Previous articleഇടുക്കിയിൽ ഗൃഹനാഥൻ വെടിയേറ്റ് മരിച്ച സംഭവം കൊലപാതകം. അന്വേഷണം ഊർജ്ജിതമാക്കി പോലീസ്
Next articleവർഷോപ്പ് ഉടമകൾക്ക് മുട്ടൻ പണി വരുന്നു. വാഹനങ്ങളില്‍ രൂപമാറ്റം വരുത്തി നൽകിയാൽ വർക്ക് ഷോപ് ഉടമകൾക്ക് ഒരുലക്ഷം രൂപ വരെ പിഴ