Home News Kerala News തൊഴിലുറപ്പ് തൊഴിലാളികള്‍ക്കും സർക്കാരിന്റെ ഓണ സമ്മാനം. ഓണത്തിന് 1000 രൂപ ഉത്സവ ബത്ത

തൊഴിലുറപ്പ് തൊഴിലാളികള്‍ക്കും സർക്കാരിന്റെ ഓണ സമ്മാനം. ഓണത്തിന് 1000 രൂപ ഉത്സവ ബത്ത

102

തിരുവനന്തപുരം: ഓണത്തിന് തൊഴിലുറപ്പ് തൊഴിലാളികൾക്കും സംസ്ഥാന സർക്കാർ ഉത്സവ ബത്ത പ്രഖ്യാപിച്ചു. ഓണം പ്രമാണിച്ച് 1000 രൂപ ഉത്സവ ബത്തയായി നൽകുമെന്ന് ധനമന്ത്രി കെ എൻ ബാലഗോപാൽ അറിയിച്ചു. മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലും അയ്യങ്കാളി നഗര തൊഴിലുറപ്പ് പദ്ധതിയിലും 100 പ്രവർത്തി ദിനങ്ങൾ പൂർത്തിയാക്കിയ എല്ലാ തൊഴിലുറപ്പ് തൊഴിലാളികൾക്കുമാണ് ഉത്സവ ബത്ത ലഭിക്കുക. 4.6 ലക്ഷം ആളുകൾക്ക് ഈ നിലയിൽ സഹായ ധനമെത്തും. ഇതിനായി 46 കോടി രൂപ വകയിരുത്തി.

ഓണം പ്രമാണിച്ച് സർക്കാർ ജീവനക്കാർക്ക് 4,000 രൂപ ബോണസ് സംസ്ഥാന സർക്കാർ നേരത്തെ പ്രഖ്യാപിച്ചിരുന്നു. ബോണസിന് അർഹത ഇല്ലാത്തവർക്ക് ഉത്സവബത്തയായി 2,750 രൂപയും പ്രഖ്യാപിച്ചിരുന്നു. സർവീസ് പെൻഷൻകാർക്കും പങ്കാളിത്ത പെൻഷൻ പദ്ധതി പ്രകാരം വിരമിച്ച ജീവനക്കാർക്കും പ്രത്യേക ഉത്സവബത്തയായി 1000 രൂപയും നൽകും. ഓണം അഡ്വാൻസായി 20,000 രൂപ ജീവനക്കാർക്ക് അനുവദിക്കാനും ധനമന്ത്രി ആവശ്യപ്പെട്ടിരുന്നു. പാർട്ട്‌ ടൈം – കണ്ടിൻജന്റ് ഉൾപ്പെടെ മറ്റു ജീവനക്കാർക്ക് അഡ്വാൻസ് 6,000 രൂപയാണ് പ്രഖ്യാപിച്ചിരിക്കുന്നത്.

Previous articleപുതുപ്പള്ളിയിൽ മത്സരചിത്രം തെളിഞ്ഞു. 7 പേരുടെ പത്രിക അംഗീകരിച്ചു; 3 പേരുടേത് തള്ളി
Next articleറേഡിയോ ജോക്കി രാജേഷ് വധം. മുഹമ്മദ് സാലിഹിനും അപ്പുണ്ണിക്കും ജീവപര്യന്തം കഠിനതടവും മൂന്നു ലക്ഷം രൂപ പിഴയും