Home News Kerala News പ്രതികളെ പിടിക്കാനെത്തിയ പൊലീസുകാർക്ക് നേരെ ആക്രമണം; പൊലീസുകാരന് കുത്തേറ്റു

പ്രതികളെ പിടിക്കാനെത്തിയ പൊലീസുകാർക്ക് നേരെ ആക്രമണം; പൊലീസുകാരന് കുത്തേറ്റു

71

ഇടുക്കി: ചിന്നക്കനാലില്‍ പ്രതികളെ പിടികൂടാനെത്തിയെ പൊലീസ് സംഘത്തിന് നേരെ ആക്രമണം. കായംകുളം സിവില്‍ പൊലീസ് ഓഫീസര്‍ ദീപക്കിന് കുത്തേറ്റു. പുലര്‍ച്ച രണ്ട് മണിയോടെയാണ് സംഭവം. ഹോട്ടലുടമ റിഹാസിനെ തട്ടിക്കൊണ്ട് പോയി മർദ്ദിച്ച കേസിലെ പ്രതികളെ തേടിയായിരുന്നു പൊലീസ് സംഘം ചിന്നക്കനാലിലെത്തിയത്. പ്രതികളില്‍ രണ്ട് പേരെ പിടികൂടിയപ്പോള്‍ മറ്റുള്ളവർ കൂട്ടമായെത്തി ആക്രമണം നടത്തുകയായിരുന്നു. കസ്റ്റഡിയിലെടുത്ത പ്രതികളെ ഇവർ രക്ഷപ്പെടുത്തി. പൊലീസ് വാഹനത്തിന്‍റെ താക്കോലും ഊരിയെടുത്ത് കൊണ്ട് പ്രതികൾ കടന്നു കളയുകയായിരുന്നു.

കഴുത്തിലും കയ്യിലും കാലിലും കുത്തേറ്റ സിപിഒ ദീപകിനെ ശസ്ത്രക്രിയക്ക് വിധേയനാക്കി. മറ്റ് രണ്ട് പൊലീസുകാര്‍ക്കും ആക്രമണത്തിൽ പരിക്കേറ്റിട്ടുണ്ട്. നാല് സ്റ്റേഷനുകളിൽ നിന്നും പൊലീസ് സംഘമെത്തിയാണ് പരിക്കേറ്റ പൊലീസുകാരെ ആശുപത്രിയിലെത്തിച്ചത്. പരിക്കേറ്റവർ മൂന്നാര്‍ ടാറ്റാ ടീ ആശുപത്രിയില്‍ ചികിത്സയിലാണ്. എസ് ഐ അടക്കം 5 പൊലീസുകാരായിരുന്നു സംഘത്തിലുണ്ടായിരുന്നത്. ഇടുക്കി എസ് പിയുടെ നേതൃത്വത്തിൽ രാത്രി തന്നെ തിരച്ചിൽ ആരംഭിച്ചു. പൊലീസുകാരനെ കുത്തിയ ആളടക്കം നാല് പ്രതികളെ പിടികൂടി. പ്രതികളുമായി ബന്ധമുള്ളവരുടെ റിസോർട്ടിൽ നിന്നാണ് ഇവർ പിടിയിലായത്.

Previous articleഇന്ന് ഉത്രാട പാച്ചിൽ; പൊന്നോണത്തെ വരവേൽക്കാൻ ഒരുങ്ങി മലയാളികൾ
Next articleതല്ലിയതിന്റെ പ്രതികാരം; തിരുവനന്തപുരത്ത് പതിനഞ്ചുകാരൻ വൃക്ക രോഗിയായ പിതാവിനെ കൊല്ലാൻ ശ്രമിച്ചു