Home News Kerala News ഓണക്കാലത്ത് സംസ്ഥാനത്ത് വിറ്റത് 757 കോടി രൂപയുടെ മദ്യം; ഒന്നാമത് തിരൂർ

ഓണക്കാലത്ത് സംസ്ഥാനത്ത് വിറ്റത് 757 കോടി രൂപയുടെ മദ്യം; ഒന്നാമത് തിരൂർ

55

തിരുവനന്തപുരം: ഓണക്കാലത്ത് കേരളത്തിൽ ബെവ്‌കോ ഔട്ട്ലെറ്റുകൾ വഴി വിറ്റത് 757 കോടി രൂപയുടെ മദ്യം. കഴിഞ്ഞ വർഷത്തേക്കാൾ 57 കോടി രൂപയുടെ അധിക വിൽപനയാണ് ഈ വർഷം ഉണ്ടായത്. കഴിഞ്ഞ വർഷം 700 കോടി രൂപയുടെ വിൽപ്പനയാണ് നടന്നത്. ഏറ്റവും കൂടുതൽ വിൽപ്പന നടന്നത് മലപ്പുറത്തെ തിരൂർ ഔട്ട്ലെറ്റിലാണ്. കഴിഞ്ഞ പത്തു ദിവസത്തെ കണക്കാണ് ഇത്.

അവിട്ടം ദിനമായ ഇന്നലെ മാത്രം വിറ്റത് 91 കോടി രൂപയുടെ മദ്യമാണ്. ഏറ്റവും കൂടുതൽ വിറ്റഴിഞ്ഞ ബ്രാന്റ് ജവാനാണ്. ആറ് ലക്ഷത്തി മുപ്പതിനായിരം ലിറ്റർ ജവാനാണ് വിറ്റത്. ഉത്രാട ദിനത്തിൽ സംസ്ഥാനത്തു ബെവ്‌കോ ഔട്ട്‌ലെറ്റ് വഴി വിറ്റത് 116 കോടിയുടെ മദ്യമായിരുന്നു. കഴിഞ്ഞ വർഷം 112 കോടിയായിരുന്നു മദ്യ വിൽപ്പന. നാലു കോടി രൂപയുടെ അധിക വില്പനയാണ് നടന്നത്.

Previous articleമണിപ്പൂരിൽ വീണ്ടും വെടിവെപ്പ്; 36 മണിക്കൂറിനിടെ മൂന്ന് പേർ കൊല്ലപ്പെട്ടു
Next articleഒരു രാജ്യം, ഒരു തിരഞ്ഞെടുപ്പ്; പ്രത്യേക സമ്മേളനത്തിൽ ബില്ല് അവതരിപ്പിച്ചേക്കും