Home News National news ആദിത്യ എൽ 1: ആദ്യ ഭ്രമണപഥമുയർത്തൽ വിജയകരം

ആദിത്യ എൽ 1: ആദ്യ ഭ്രമണപഥമുയർത്തൽ വിജയകരം

49

ബെംഗളുരു: ഇന്ത്യയുടെ സൗര ദൗത്യമായ ആദിത്യ എൽ വണ്ണിന്റെ ആദ്യ ഭ്രമണപഥമുയർത്തൽ വിജയകരമെന്ന് ഐഎസ്ആർഒ. ഭൂമിയിൽ നിന്നും 245 കിമി മുതൽ 22459 കിമീ വരെയുള്ള ഭ്രമണപഥത്തിലെത്തിച്ചു. ഉപഗ്രഹത്തിന്റെ യാത്രയും പ്രവർത്തനങ്ങളും സാധാരണനിലയിലാണെന്നും ഐഎസ്ആർഒ വ്യക്തമാക്കി.

16 ദിവസം ആദിത്യ എൽ വൺ ഭൂമിയുടെ ഭ്രമണപഥത്തിൽ തുടരും. അടുത്ത ഭ്രമണപഥം ഉയർത്തൽ സെപ്റ്റംബർ അഞ്ചിന് പുലർച്ചെ മൂന്ന് മണിക്ക് നടക്കും. ഭൂമിയിൽ നിന്ന് സൂര്യനിലേക്കുള്ള ദൂരം 15 കോടി കിലോമീറ്റർ ആണെങ്കിലും പിഎസ്എൽവി വിക്ഷേപണ വാഹനത്തിൽ ആദിത്യ എൽ വണ്ണിന്റെ യാത്ര ഭൂമിയിൽ നിന്ന് 15 ലക്ഷം കിലോമീറ്റർ അകലെയുള്ള ഒന്നാം ലഗ്രാഞ്ച് പോയിന്റിലേക്കാണ് നടക്കുന്നത്. ലഗ്രാഞ്ച്-എൽ വണ്ണിന് ചുറ്റുുമുള്ള ഹാലോ ഓർബിറ്റിൽ എത്തിക്കുകയാണ് ലക്ഷ്യം. സൂര്യന്റെയും ഭൂമിയുടെ ഗുരുത്വാകർഷണ ബലം ഏകദേശം തുല്യമായി അനുഭവപ്പെടുന്ന ഇടമാണ് ഒന്നാം ലഗ്രാഞ്ച് പോയിന്റ്.

Previous articleവാനോളം ആവേശം; പുതുപ്പള്ളിയിൽ പരസ്യപ്രചാരണം അവസാനിച്ചു
Next articleസംവിധായകൻ വിഷ്ണു മോഹനും അഭിരാമിയും വിവാഹിതരായി