Home News Kerala News ആലുവ പീഡനക്കേസിലെ പ്രതി തിരുവനന്തപുരം സ്വദേശിയെന്നു സൂചന. പ്രതിയെന്നു സംശയിക്കുന്നയാളുടെ സിസിടിവി ദൃശ്യങ്ങളിൽ നിന്നാണ് ഇയാളെക്കുറിച്ചുള്ള...

ആലുവ പീഡനക്കേസിലെ പ്രതി തിരുവനന്തപുരം സ്വദേശിയെന്നു സൂചന. പ്രതിയെന്നു സംശയിക്കുന്നയാളുടെ സിസിടിവി ദൃശ്യങ്ങളിൽ നിന്നാണ് ഇയാളെക്കുറിച്ചുള്ള സൂചന ലഭിച്ചത്

92

കൊച്ചി: ആലുവ പീഡനക്കേസിൽ പൊലീസ് തിരയുന്ന പ്രതി തിരുവനന്തപുരം സ്വദേശിയെന്നു സൂചന. പ്രതിയെന്നു സംശയിക്കുന്നയാളുടെ സിസിടിവി ദൃശ്യങ്ങൾ പുറത്തുവിട്ടിരുന്നു. ഇതിൽ നിന്നാണ് പ്രതി തിരുവനന്തപുരം സ്വദേശിയാണെന്ന സൂചന ലഭിച്ചത്. ഇയാൾ മൊബൈൽ ഫോൺ മോഷണം ഉൾപ്പെടെ ഒട്ടേറെ കേസുകളിൽ പ്രതിയാണെന്നാണു വിവരം. അലഞ്ഞു നടക്കുന്ന സ്വഭാവമുള്ള വ്യക്തിയാണ് ഇയാളെന്നും പറയുന്നു. പീഡനത്തിന് ഇരയായ കുട്ടിയും ദൃക്സാക്ഷിയും പ്രതിയുടെ ചിത്രം തിരിച്ചറിഞ്ഞതായാണു വിവരം.

ആലുവ ചാത്തൻപുറത്താണ് അതിഥി തൊഴിലാളികളുടെ മകളായ എട്ടു വയസ്സുകാരി ലൈംഗിക പീഡനത്തിന് ഇരയായത്. ബിഹാർ സ്വദേശികളുടെ മകളെ ഉറക്കത്തിനിടെ തട്ടിക്കൊണ്ടു പോയി പീഡിപ്പിക്കുകയായിരുന്നുവെന്നാണു പൊലീസ് ഭാഷ്യം. പുലർച്ചെ രണ്ടു മണിയോടെയാണു സംഭവം. നാട്ടുകാർ രക്ഷിച്ച കുട്ടി കളമശേരി മെഡിക്കൽ കോളജിൽ ചികിത്സയിലാണ്.

Previous articleവൈക്കം ബ്രഹ്മമംഗലം സി.ഹരിനാരായണൻ ഭട്ടതിരി അന്തരിച്ചു
Next articleചുമരില്‍ ചാരി വച്ച മെത്ത ദേഹത്ത് വീണ് രണ്ടു വയസുകാരന് ദാരുണാന്ത്യം. സംഭവം കോഴിക്കോട് മുക്കത്ത്