Home News National news സീതാറാം യെച്ചൂരിയുടെ ഔദ്യോഗിക വസതിയിൽ പോലീസ് റെയ്‌ഡ്. കാനിംഗ് റോഡിലെ വസതിയിൽ ആണ് റെയ്‌ഡ് നടന്നത്

സീതാറാം യെച്ചൂരിയുടെ ഔദ്യോഗിക വസതിയിൽ പോലീസ് റെയ്‌ഡ്. കാനിംഗ് റോഡിലെ വസതിയിൽ ആണ് റെയ്‌ഡ് നടന്നത്

51

ന്യുഡൽഹി: സിപിഐ എം ജനറൽ സെക്രട്ടറി സീതാറാം യെച്ചൂരിയുടെ ഔദ്യോഗിക വസതിയിൽ ചൊവ്വാഴ്ച രാവിലെ പോലീസ് സ്പെഷ്യൽ സെല്ലാണ് റെയ്‌ഡ് നടത്തിയത്. ജനറൽ സെക്രട്ടറി എന്ന നിലയിൽ കേന്ദ്രം അനുവദിച്ച കാനിംഗ് റോഡിലെ വസതിയിൽ ആയിരുന്നു റെയ്‌ഡ്.
മാധ്യമസ്ഥാപനമായ ന്യൂസ്‌ക്ലിക്കുമായി ബന്ധപ്പെട്ട സ്ഥാപനങ്ങളിൽ നടന്നുകൊണ്ടിരിക്കുന്ന നടപടിയുടെ ഭാഗമായാണ് റെയ്‌ഡ് എന്ന് പറയുന്നു. ന്യൂസ്‌ക്ലിക്കിലെ മാധ്യമപ്രവർത്തകനായ സുമിത് താമസിക്കുന്നത് ഈ ഔദ്യോഗിക വസതിയുടെ പിറകിലുള്ള കെട്ടിടത്തിലാണ്. സുമിതിനെ അന്വേഷിച്ചാണ് പൊലീസ് എത്തിയതെന്നാണ് സൂചന.

ഇന്ന് രാവിലെ ന്യുസ്‌ക്ലിക്കുമായി ബന്ധപ്പെട്ട് 30 ഇടത്തായി പൊലീസ് റെയ്‌ഡ് നടത്തിയിരുന്നു. മാധ്യമപ്രവർത്തകരുടെ വീടുകളിൽ റെയ്‌ഡ് നടത്തി ലാപ്‌ടോ‌പ്പും ഫോണും പിടിച്ചെടുത്തിരുന്നു. തുടർന്ന് ന്യൂസ് ക്ലിക്കിനെതിരെ യുഎപിഎ ചുമത്തി കേസും എടുത്തിരുന്നു. ട്വീസ്ത സെതൽവാദ്, എഴുത്തുകാരി ഗീത ഹരിഹരൻ എന്നിവരുടെ വസതിയിലും റെയ്‌ഡ് നടത്തി.

Previous articleജനപ്രിയ നാടൻപാട്ടുകൾ പിറന്ന തൂലിക ഇനി നിശ്ചലം: അറുമുഖന്‍ വെങ്കിടങ്ങ് അന്തരിച്ചു
Next articleതട്ടം വിവാദം: വസ്‌ത്രധാരണം ഓരോ മനുഷ്യരുടേയും വ്യക്തി സ്വാതന്ത്ര്യമെന്ന് എം വി ഗോവിന്ദൻ