Home News Kerala News കരുവന്നൂർ ബാങ്ക് തട്ടിപ്പ്: ഇഡിക്ക്‌ തിരിച്ചടി, പിടിച്ചെടുത്ത ആധാരങ്ങൾ തിരികെ നൽകണമെന്ന്‌ ഹൈക്കോടതി

കരുവന്നൂർ ബാങ്ക് തട്ടിപ്പ്: ഇഡിക്ക്‌ തിരിച്ചടി, പിടിച്ചെടുത്ത ആധാരങ്ങൾ തിരികെ നൽകണമെന്ന്‌ ഹൈക്കോടതി

78

കൊച്ചി: കരുവന്നൂർ ബാങ്ക്‌ കേസിൽ ഇഡി പിടിച്ചെടുത്ത ആധാരങ്ങൾ തിരികെ നൽകണമെന്ന്‌ ഹൈക്കോടതി നിർദേശിച്ചു. വായ്‌പ തിരിച്ചടച്ചവരുടെ ആധാരങ്ങൾ മുഴുവൻ തിരികെ നൽകണം. ബാങ്ക്‌ അധികൃതർ അപേക്ഷ നൽകിയാൽ ആധാരങ്ങൾ കൈമാറണം. ഇഡിക്ക്‌ ആധാരങ്ങളുടെ പകർപ്പ്‌ കൈവശം വയ്‌ക്കാം. പകർപ്പ്‌ എടുത്തശേഷം അസ്സൽ ആധാരം തിരികെ നൽകണമെന്നും ഹൈക്കോടതി പറഞ്ഞു.
ഹൈക്കോടതി നടപടി ആശ്വാസകരമെന്ന്‌ മന്ത്രി വി എൻ വാസവൻ പ്രതികരിച്ചു. കരുവന്നൂര്‍ സഹകരണ ബാങ്കുമായി ബന്ധപ്പെട്ട കേസില്‍ നിക്ഷേപകര്‍ക്ക് ഒരു രൂപ പോലും നഷ്‌ടമാകില്ലെന്ന് കഴിഞ്ഞ ദിവസം മന്ത്രി പ്രതികരിച്ചിരുന്നു. 282 കോടി രൂപ നിക്ഷേപകര്‍ക്ക് കൊടുക്കാനുണ്ടെന്നും 73 കോടി രൂപ ഇതുവരെ നല്‍കിയെന്നും 50കോടി രൂപ കൂടി നല്‍കാന്‍ ഉടന്‍ ലഭ്യമാക്കുമെന്നും മന്ത്രി വ്യക്തമാക്കി.

Previous articleപ്ലസ് ടു വിദ്യാര്‍ഥിനിയെ തട്ടികൊണ്ട് പോയി അതിരപ്പിള്ളിയിൽ കൊലപ്പെടുത്തിയ കേസ്: സഫർ ഷാ കുറ്റക്കാരൻ
Next articleകെഎസ്ഇബിയ്ക്ക് ആശ്വസിക്കാം:റഗുലേറ്ററി കമീഷൻ റദ്ദാക്കിയ വൈദ്യുതി കരാറുകൾക്ക്‌ മന്ത്രിസഭയുടെ അംഗീകാരം