Home News World News സാഹിത്യത്തിനുള്ള നൊബേൽ ജോൺ ഫോസെയ്ക്ക്

സാഹിത്യത്തിനുള്ള നൊബേൽ ജോൺ ഫോസെയ്ക്ക്

57

ഒട്ടോവ: 2023ലെ സാഹിത്യത്തിനുളള നൊബേൽ പുരസ്കാരത്തിന് നോർവീജിയൻ എഴുത്തുകാരൻ ജോൺ ഫോസെ അർഹനായി. ഫോസെയുടെ കൃതികൾ നിശ്ശബ്ദരാക്കപ്പെട്ടവരുടെ ശബ്ദമായി മാറിയതായി അക്കാദമി അഭിപ്രായപ്പെട്ടു. നോർവീജിയൻ പശ്ചാത്തലത്തെ കലാപരമായ സാങ്കേതികതയുമായി സമന്വയിപ്പിക്കുന്നതാണ് അദ്ദേഹത്തിന്റെ ശൈലി. മനുഷ്യന്റെ ഉത്കണ്ഠയും അവ്യക്തതയും അതിന്റേതായ തീവ്രതയോടെ തനതായ രീതിയിൽ തുറന്നുകാട്ടുന്നവയാണ് അദ്ദേഹത്തിന്റെ രചനകളെന്നും സ്വീഡിഷ് അക്കാദമി അഭിപ്രായപ്പെട്ടു.

നാടകകൃത്ത്, തിരക്കഥാകൃത്ത് എന്നീ നിലകളില്‍ വിഖ്യാതനായ എഴുത്തുകാരനാണ് യോണ്‍ ഫൊസ്സെ. സമകാലിക നോര്‍വീജിയന്‍ സാഹിത്യത്തിലെ അതികായനാണ് അദ്ദേഹം. നോവല്‍, ചെറുകഥ, കവിത, നാടകം, ലേഖനം, ബാലസാഹിത്യം, സിനിമ എന്നീ മേഖലയിൽ പ്രഗത്ഭനാണ്. 1989 മുതലുള്ള സാഹിത്യ ജീവിതത്തില്‍ രചിക്കപ്പെട്ട മുപ്പത് പുസ്തകങ്ങള്‍ നാല്‍പ്പതിലേറെ ഭാഷകളിലേക്ക് മൊഴി മാറ്റം ചെയ്യപ്പെട്ടിട്ടുണ്ട്.

Previous articleസിപിഐഎം നേതാവ് ആനത്തലവട്ടം ആനന്ദൻ അന്തരിച്ചു
Next articleകോട്ടയം വെള്ളൂർ കെപിപിഎല്ലിൽ വൻ തീപിടുത്തം