Home News Kerala News വ്യാജ നിയമന തട്ടിപ്പ് ആരോപണം; കെ.പി ബാസിത് അറസ്റ്റിൽ

വ്യാജ നിയമന തട്ടിപ്പ് ആരോപണം; കെ.പി ബാസിത് അറസ്റ്റിൽ

52

മലപ്പുറം: വ്യാജ നിയമന കൈക്കൂലി ആരോപണത്തിൽ കെപി ബാസിത് പിടിയിൽ. പരാതിക്കാരനായ ഹരിദാസിന്റെ സുഹൃത്താണ് പിടിയിലായത്. മഞ്ചേരിയിൽ നിന്ന് കന്റോൺമെന്റ് പൊലീസാണ് ബാസിത്തിനെ കസ്റ്റഡിയിൽ എടുത്തത്. നിയമന തട്ടിപ്പിൽ അഖിൽ മാത്യുവിന് പണം നൽകിയിട്ടില്ലെന്ന് ഹരിദാസ് കഴിഞ്ഞ ദിവസം സമ്മതിച്ചിരുന്നു. പറഞ്ഞത് നുണയാണെന്നാണ് ഹരിദാസ് മൊഴി നൽകിയത്. പൊലീസിന്റെ വിശദമായ ചോദ്യം ചെയ്യലിലാണ് ഇക്കാര്യം സമ്മതിച്ചത്.

സെക്രട്ടറിയേറ്റിനു മുന്നിൽ വെച്ച് അഖിൽ മാത്യുവിന് പണം നൽകിയെന്നായിരുന്നു ഹരിദാസന്റെ ആദ്യ മൊഴി. പ്രസ് ക്ലബിനു മുൻപിൽ വെച്ചാണ് പണം നൽകിയതെന്നു പിന്നീട് മാറ്റി പറഞ്ഞിരുന്നു. ഒടുവിൽ അഖിൽ മാത്യുവിന് പണം നൽകിയിട്ടില്ലെന്ന് ഇയാൾ പോലീസിനോട് സമ്മതിക്കുകയായിരുന്നു.ബാസിത്ത് പറഞ്ഞിട്ടാണ് അഖിൽ മാത്യുവിന്റെ പേര് പറഞ്ഞതെന്നും ഹരിദാസ് സമ്മതിച്ചു. നിയമനത്തിന് ഒരു ലക്ഷം രൂപ ആർക്കും നൽകിയിട്ടില്ലെന്ന് ഹരിദാസ് പറഞ്ഞു. അഖിൽ സജീവിന് 25000 രൂപയും ലെനിന് 50,000 രൂപയും നൽകിയെന്നാണ് മൊഴി നൽകിയിരുന്നത് .

Previous articleതൃശ്ശൂരിൽ ട്രെയിന് മുന്നിൽ ചാടി ദമ്പതികൾ ജീവനൊടുക്കി
Next articleഇടുക്കിയിൽ വൈദ്യുതാഘാതമേറ്റ് അച്ഛനും മക്കൾക്കും ദാരുണാന്ത്യം