Home News Kerala News കേരളത്തിന് ദീപാവലി സമ്മാനം: ബെംഗളൂരു–എറണാകുളം റൂട്ടിൽ സ്പെഷൽ വന്ദേഭാരത്

കേരളത്തിന് ദീപാവലി സമ്മാനം: ബെംഗളൂരു–എറണാകുളം റൂട്ടിൽ സ്പെഷൽ വന്ദേഭാരത്

59

കൊച്ചി: ദീപാവലിയോട് അനുബന്ധിച്ച് ബെംഗളൂരു–എറണാകുളം, ബെംഗളൂരു-ചെന്നൈ റൂട്ടുകളിൽ വന്ദേഭാരത് ഉപയോഗിച്ചു സ്പെഷൽ സർവീസുകൾ നടത്താൻ റെയിൽവേയുടെ തീരുമാനം. ദക്ഷിണ പശ്ചിമ റെയിൽവേയുടെ അനുമതി ലഭിച്ചാൽ സർവീസ് നടത്തും. വെള്ളി, ശനി, ഞായർ ദിവസങ്ങളിലാണു എറണാകുളം–ബെംഗളൂരു റൂട്ടിൽ വന്ദേഭാരത് സ്പെഷൽ ഓടിക്കുക. 2 സർവീസ് ചെന്നൈ–ബെംഗളൂരു റൂട്ടിലുമുണ്ടാകും.

വ്യാഴാഴ്ച രാത്രി ചെന്നൈയിൽ നിന്നു പുറപ്പെട്ടു വെള്ളി പുലർച്ചെ 4.00ന് ബെംഗളൂരുവിലെത്തുന്ന ട്രെയിൻ അവിടെ നിന്നു പുലർച്ചെ 4.30ന് എറണാകുളത്തേക്കു പുറപ്പെടും. ഉച്ചയ്ക്ക് 1.30ന് എറണാകുളത്ത് എത്തും. തിരികെ ഉച്ചയ്ക്കു 2ന് പുറപ്പെട്ട് രാത്രി 10.30ന് ബെംഗളൂരുവിലെത്തും. ശനി, ഞായർ ദിവസങ്ങളിലും ഇതേ രീതിയിൽ രാവിലെ 4.30ന് ബെംഗളൂരുവിൽ നിന്നു പുറപ്പെട്ടു ഉച്ചയ്ക്ക് എറണാകുളത്ത് എത്തി മടങ്ങും.

ഞായർ രാത്രി 11.30ന് ബെംഗളൂരുവിൽ നിന്നു ചെന്നൈയിലേക്കു പോകും. ചെന്നൈയിലാണ് ട്രെയിന്റെ അറ്റകുറ്റപ്പണി നടക്കുക. ചെന്നൈയിലുള്ള വന്ദേഭാരത് സ്പെയർ റേക്ക് ഉപയോഗിച്ചാണു സർവീസ് നടത്തുക. 8 കോച്ചുകളാണ് ഇതിൽ ഉണ്ടാകുക. ദക്ഷിണ റെയിൽവേ നൽകിയ ശുപാർശ ദക്ഷിണ പശ്ചിമ റെയിൽവേയുടെ പരിഗണനയിലാണ്.

Previous articleജെഡിഎസ് കേന്ദ്ര നിലപാട് തള്ളി കേരള ഘടകം. എൽഡിഎഫിൽ തുടുരും 
Next articleകൊച്ചി അന്താരാഷ്ട്ര വിമാനത്താവളത്തിൽ കരാർ കമ്പനി ജീവനക്കാരന് കസ്റ്റംസ് ഉദ്യോഗസ്ഥന്റെ മർദ്ദനം. പ്രതിഷേധവുമായി സിയാൽ എംപ്ലോയീസ് യൂണിയൻ