Home Agriculture കടബാധ്യതയെ തുടർന്ന് കുട്ടനാട്ടിൽ കർഷകൻ ആത്മഹത്യ ചെയ്തു: ആത്മഹത്യ വായ്പലഭിക്കാത്തതിനെ തുടർന്നെന്ന് സൂചന

കടബാധ്യതയെ തുടർന്ന് കുട്ടനാട്ടിൽ കർഷകൻ ആത്മഹത്യ ചെയ്തു: ആത്മഹത്യ വായ്പലഭിക്കാത്തതിനെ തുടർന്നെന്ന് സൂചന

58

ആലപ്പുഴ: തകഴി സ്വദേശി കിസാൻ സംഘ് ജില്ലാ പ്രസിഡന്റ് പ്രസാദ് (55)ആണ് ആത്മഹത്യ ചെയ്തത്. കൃഷിക്ക് വായ്പക്കായി പ്രസാദ് ബാങ്കിനെ സമീപിച്ചിരുന്നു. എന്നാൽ വായ്പ ലഭിക്കാതിരുന്നതാണ് ആത്മഹത്യയ്ക്ക് കാരണം എന്ന് പറയുന്നു. അതെ സമയം പ്രസാദ് ആത്മഹത്യ ചെയ്യുന്നതിന് മുൻപുള്ള ഫോൺ സംഭാഷണം പുറത്തുവന്നു. താൻ പരാജയപ്പെട്ടുപോയ കർഷകനാണെന്ന് സുഹൃത്തിനോട് പൊട്ടിക്കരഞ്ഞുകൊണ്ട് പറയുന്ന ഓഡിയോയാണ് പുറത്തുവന്നത്. സർക്കാരിന് നെല്ലു കൊടുത്തിട്ടും പണം കിട്ടിയില്ലെന്നും പിആർഎസ് കുടിശികയുടെ പേരു പറഞ്ഞ് വായ്പ നിഷേധിച്ചെന്നും ഭാരതീയ കിസാൻ സംഘ് ആലപ്പുഴ ജില്ലാ പ്രസിഡന്റ് കൂടിയായ പ്രസാദ് പറയുന്നുണ്ട്.
‘ഞാൻ പരാജയപ്പെട്ടു പോയ കർഷകനാ.

കുറേ ഏക്കറുകൾ നിലം ഞാൻ കൃഷി ചെയ്തു. കൃഷി ചെയ്തിട്ട് നെല്ല് സർക്കാരിന് കൊടുത്തു. സർക്കാർ നമുക്ക് കാശ് തന്നില്ല. ഞാൻ തിരിച്ച് ലോൺ ചോദിച്ചു. ലോൺ ചോദിച്ചപ്പോൾ പിആർഎസ് കുടിശികയുള്ളതുകൊണ്ട് ലോൺ തരില്ലെന്ന് പറഞ്ഞു. എന്തു പറയാനാ. ഞാൻ പരാജയപ്പെട്ടുപ്പോയി സഹോദരാ, എന്റെ ജീവിതവും പരാജയപ്പെട്ടുപോയി ഇങ്ങനെ നീളുന്നു പ്രസാദിന്റെ ഫോൺ സംഭാഷണം.

20 കൊല്ലം മുൻപ് മദ്യപാനം നിർത്തിയവനാ. പക്ഷേ ഇപ്പോ ഞാൻ വീണ്ടും മദ്യപാനം തുടങ്ങി. സഹോദരാ നിങ്ങൾ എനിക്കു വേണ്ടി ഫൈറ്റ് ചെയ്യണം. ഞാൻ പരാജയപ്പെട്ടു പോയി. എനിക്ക് നിൽക്കാൻ മാർഗമില്ല. ഞാൻ കൃഷി ചെയ്ത നെല്ല് സർക്കാരിന് കൊടുത്തു. സർക്കാര് എനിക്ക് കാശ് തന്നില്ല. ഞാനിപ്പോൾ കടക്കാരനാണ്. ഞാൻ മൂന്നേക്കർ ഇപ്പോൾ കൃഷിയിറക്കിയിട്ടുണ്ട്. അതിന് വളമിടാനുമൊന്നും കാശില്ലെന്നും പ്രസാദ് പറഞ്ഞു. വെള്ളിയാഴ്ച രാത്രിയിൽ വിഷം കഴിച്ച പ്രസാദ് തിരുവല്ലയിലെ സ്വകാര്യ ആശുപത്രിയിൽ ചികിത്സയിലിരിക്കെ ഇന്ന് പുലർച്ചെയാണ് മരിച്ചത്.

Previous articleആശുപത്രികൾ വളഞ്ഞ്‌ ഇസ്രയേൽ: ആശുപത്രിയിലും, അഭയാർത്ഥി ക്യാമ്പിലുമായി 63 പേർ കൊല്ലപ്പെട്ടു
Next articleസഹകരണ മേഖല കേരളത്തിന്റെ നട്ടെല്ല്: സഹകരണ രംഗം സംരക്ഷിക്കാൻ സർക്കാർ മുന്നിലുണ്ടാകുമെന്ന് മുഖ്യമന്ത്രി