Home News Kerala News പാർട്ടിയെയും അണികളെയും വഞ്ചിച്ച യൂദാസ്: അബ്ദുൽ ഹമീദ് എം എൽ എയ്‌ക്കെതിരെ മലപ്പുറത്ത് പോസ്റ്റർ

പാർട്ടിയെയും അണികളെയും വഞ്ചിച്ച യൂദാസ്: അബ്ദുൽ ഹമീദ് എം എൽ എയ്‌ക്കെതിരെ മലപ്പുറത്ത് പോസ്റ്റർ

36

മലപ്പുറം: മുസ്‌ലിം ലീഗ് എംഎൽഎ പി.അബ്ദുൽ ഹമീദിനെതിരെ മലപ്പുറത്ത് പോസ്റ്റർ. പാർട്ടിയെയും അണികളെയും വഞ്ചിച്ച യൂദാസാണ് അബ്ദുൽ ഹമീദ് എന്നാണ് പോസ്റ്ററിലെ ആക്ഷേപം. പാർട്ടിയിൽനിന്നു പുറത്താക്കണമെന്നും പോസ്റ്ററിൽ ആവശ്യപ്പെടുന്നുണ്ട്. അബ്ദുൽ ഹമീദിനെ കേരള ബാങ്ക് ഭരണസമിതി അംഗമായി നാമനിർദേശം ചെയ്തതിനു പിന്നാലെയാണ് പോസ്റ്റർ പ്രത്യക്ഷപ്പെട്ടത്.

വള്ളിക്കുന്ന് എംഎൽഎയും മുസ്‌ലിം ലീഗ് മലപ്പുറം ജില്ലാ ജനറൽ സെക്രട്ടറിയുമാണ് പി.അബ്ദുൽ ഹമീദിനു ഭരണസമിതിയിൽ ചേരാൻ അബ്ദുൽ ഹമീദിനു ലീഗ് സംസ്ഥാന നേതൃത്വം അനുമതി നൽകിയിരുന്നു. ലീഗുമായുള്ള ബന്ധം മെച്ചപ്പെടുത്തുന്നതിന്റെ ഭാഗമായി സിപിഎം നടത്തിയ രാഷ്ട്രീയ നീക്കത്തിന്റെ ഫലമാണ് അബ്ദുൽ ഹമീദിന്റെ കേരള ബാങ്ക് ഭരണസമിതി അംഗത്വത്തിനുള്ള നാമനിർദേശം.

നിലവിൽ മലപ്പുറം ജില്ലയിലെ പട്ടിക്കാട് സർവീസ് സഹകരണ ബാങ്ക് പ്രസിഡന്റ് കൂടിയാണ് അബ്ദുൽ ഹമീദ്. സിപിഎമ്മിന്റെ മുതിർന്ന സഹകാരികളെ അടക്കം മറികടന്നാണ് അബ്ദുൽ ഹമീദിനെ കേരള ബാങ്ക് ഭരണസമിതി അംഗമായി നാമനിർദേശം ചെയ്തത്. ഗോപി കോട്ടമുറിക്കൽ പ്രസിഡന്റായ കേരള ബാങ്ക് ഭരണസമിതിയിൽ നിലവിൽ സിപിഎം നേതാക്കളോ എൽഡിഎഫ് ഘടകകക്ഷി നേതാക്കളോ മാത്രമാണ് ഉള്ളത്. ആദ്യമായാണു യുഡിഎഫ് കക്ഷികളിൽ പെട്ട ഒരു സഹകാരി ഭരണസമിതിയിൽ എത്തുന്നത്.

Previous articleശബരിമല മതേതരത്വത്തിന്റെ പ്രതീകം: മന്ത്രി കെ രാധാകൃഷ്ണൻ
Next articleമണ്ഡലകാലം ആരംഭിച്ച ആദ്യ ദിനം തന്നെ അപകടം: കുട്ടിക്കാനത്ത് അയ്യപ്പഭക്തരുടെ വാഹനം മറിഞ്ഞ് ആറു പേർക്ക് പരിക്ക്