Home News Kerala News എറണാകുളം ജില്ലയിലെ നവകേരള സദസ്: നാല് മണ്ഡലങ്ങളിൽ ജനുവരി 1, 2 തീയതികളില്‍

എറണാകുളം ജില്ലയിലെ നവകേരള സദസ്: നാല് മണ്ഡലങ്ങളിൽ ജനുവരി 1, 2 തീയതികളില്‍

85

കൊച്ചി: ജില്ലയില്‍ മാറ്റിവെച്ച നവകേരള സദസ് 2024 ജനുവരി 1, 2 തീയതികളില്‍ നടക്കും. ജനങ്ങളുമായി നേരിട്ട് സംവദിക്കാനും അവരുടെ പ്രശ്‌നങ്ങള്‍ പരിഹരിക്കാനുമായാണ് മുഖ്യമന്ത്രിയും മന്ത്രിമാരും നേരിട്ട് ജനങ്ങളിലേക്കെത്തുന്ന നവകേരള സദസ്സ് സംഘടിപ്പിക്കുന്നത്. നേരത്തേ ഡിസംബര്‍ ഒന്‍പതിന് നടത്താന്‍ നിശ്ചയിച്ചിരുന്ന നവകേരള സദസ്സ് കാനം രാജേന്ദ്രന്റെ
തുടര്‍ന്നാണ് മാറ്റിവെച്ചത്.

ജനുവരി ഒന്നിന് വൈകിട്ട് മൂന്നിന് കാക്കനാട് സിവില്‍ സ്റ്റേഷന്‍ പരേഡ് ഗ്രൗണ്ടിലാണ് തൃക്കാക്കര നിയോജക മണ്ഡലത്തിലെ നവകേരള സദസ് നടക്കുന്നത്. തുടര്‍ന്ന് വൈകിട്ട് അഞ്ചിന് പിറവം കെഎസ്ആര്‍ടിസി ബസ് സ്റ്റാന്‍ഡ് ഗ്രൗണ്ടില്‍ പിറവം നിയോജകമണ്ഡലത്തിലെ നവകേരള സദസ്സ് നടക്കും.

ജനുവരി രണ്ടിന് വൈകിട്ട് മൂന്നിന് തൃപ്പൂണിത്തുറ നിയോജകമണ്ഡലത്തിലെ നവകേരള സദസ്സ് പുതിയകാവ് ക്ഷേത്രം മൈതാനിയിലും അന്നേദിവസം വൈകിട്ട് അഞ്ചിന് കോലഞ്ചേരി സെന്റ് പീറ്റേഴ്‌സ് കോളേജ് മൈതാനിയില്‍ കുന്നത്തുനാട് നിയോജകമണ്ഡലത്തിലെ നവകേരള സദസും നടക്കും.

സദസ്സ് തുടങ്ങുന്നതിന് മൂന്നു മണിക്കൂര്‍ മുമ്പ് ജനങ്ങള്‍ക്ക് നിവേദനങ്ങള്‍ നല്‍കുവാന്‍ എല്ലാ മണ്ഡലങ്ങളിലും സൗകര്യം ഉണ്ടായിരിക്കും. സ്ത്രീകള്‍, ഭിന്നശേഷിക്കാര്‍, വയോജനങ്ങള്‍ എന്നിവര്‍ക്ക് പ്രത്യേകം കൗണ്ടറുകള്‍ സജ്ജീകരിക്കും. നവകേരള സദസ്സുമായി ബന്ധപ്പെട്ട മുന്നൊരുക്കങ്ങള്‍ വിലയിരുത്താന്‍ ജില്ലാ കലക്‌ടര്‍ എന്‍ എസ് കെ ഉമേഷിന്റെ അധ്യക്ഷതയില്‍ യോഗം ചേര്‍ന്നു.

Previous articleമേജർ രവി ബിജെപി സംസ്ഥാന വൈസ്‌ പ്രസിഡന്റ്: മുൻ കോൺഗ്രസ്‌ നേതാവ് സി രഘുനാഥ്‌ ദേശീയ കൗൺസിലിൽ
Next articleനവകേരള സദസ്സ്: സംഘർഷത്തിലൂടെ തകർക്കാനാണ് കോൺഗ്രസ്സ് ശ്രമിച്ചതെന്ന് മുഖ്യമന്ത്രി