Home News World News മനുഷ്യക്കടത്ത് സംശയിച്ച് ഫ്രാൻസിൽ വിമാനം തടഞ്ഞ സംഭവം: വിട്ടയച്ച വിമാനം മുംബൈയിലെത്തി

മനുഷ്യക്കടത്ത് സംശയിച്ച് ഫ്രാൻസിൽ വിമാനം തടഞ്ഞ സംഭവം: വിട്ടയച്ച വിമാനം മുംബൈയിലെത്തി

72

മുംബൈ: മനുഷ്യക്കട​ത്തെന്ന് സംശയിച്ച് ഫ്രാൻസിൽ തടഞ്ഞുവച്ച വിമാനം മുംബൈയിലെത്തി. തടഞ്ഞുവച്ച് 4 ദിവസത്തിന് ശേഷമാണ് വിമാനം ഇന്ത്യയിലേക്ക് എത്തിയത്. 303 യാത്രക്കാരുമായി തെക്കൻ അമേരിക്കയിലെ നിക്കരാഗ്വയിലേക്ക് പോകുകയായിരുന്ന എ 340 ആണ് പാരീസിലെ വാട്രി വിമാനത്താവളത്തിലാണ്‌ തടഞ്ഞുവച്ചത്‌. റൊമാനിയൻ കമ്പനിയായ ലെജൻഡ് എയർലൈൻസിന്റെയായിരുന്നു വിമാനം. വിമാനത്തിലുണ്ടായിരുന്ന 303 പേരും ഇന്ത്യൻ വംശജരാണെന്നാണ് വിവരം. യാത്രക്കാരിൽ മനുഷ്യക്കടത്തിന് ഇരയാവുന്നവരു​മുണ്ടെന്ന് പറഞ്ഞ് ലഭിച്ച അജ്ഞാത സന്ദേശത്തിന്റെ അടിസ്ഥാനത്തിലായിരുന്നു നടപടി. യാത്രക്കാരെ സാങ്കേതികമായി കരുതൽ തടങ്കലിൽ വച്ചിരിക്കുകയായിരുന്നു. പുലർച്ചെ നാലോടെയാണ് വിമാനം മുംബൈയിലെത്തിയത്. 276 യാത്രക്കാരാണ് വിമാനത്തിൽ എത്തിയത്. കുട്ടികളുൾപ്പെടെ 25 പേർ ഫ്രാൻസിൽ തന്നെ തുടരുകയാണെന്ന് ഫ്രഞ്ച് അധികൃതർ അറിയിച്ചു.

Previous articleപാലക്കാട് രണ്ടുപേർ മരിച്ച നിലയിൽ: മരണത്തിൽ ദുരൂഹത
Next articleഇസ്രയേൽ മിസൈൽ ആക്രമണം: മുതിർന്ന ഇറാൻ സൈനിക ഉപദേഷ്ടാവ് കൊല്ലപ്പെട്ടു