Home News Kerala News റോഡ് ക്യാമറ: കെൽട്രോണിന് ലഭിക്കേണ്ട23 കോടി രൂപ കുടിശ്ശിക

റോഡ് ക്യാമറ: കെൽട്രോണിന് ലഭിക്കേണ്ട23 കോടി രൂപ കുടിശ്ശിക

72

തിരുവനന്തപുരം: റോഡ് ക്യാമറകൾ പ്രവർത്തിപ്പിക്കുന്നതിന് കെൽട്രോണിന് നൽകാനുള്ള 23 കോടി രൂപ കുടിശ്ശികയായതോടെ പദ്ധതി പ്രവർത്തനങ്ങൾ സ്തംഭിക്കുന്ന അവസ്ഥയിലായി. പണം ലഭിക്കാതെ വന്നതോടെ വാഹന നിയമലംഘനങ്ങൾക്ക് ചല്ലാൻ അയയ്ക്കുന്ന പ്രവർത്തനങ്ങൾ അവതാളത്തിലായി. പദ്ധതി ആരംഭിച്ചതു മുതൽ ഇതുവരെ 34 ലക്ഷം ചല്ലാനുകൾ ജനറേറേറ്റ് ചെയ്തു. 16 ലക്ഷം ചല്ലാനുകൾ മാത്രമാണ് വാഹന ഉടമകൾക്ക് അയച്ചത്. പണമില്ലാത്തതിനാൽ ബാക്കിയുള്ളവ അയയ്ക്കാനായില്ല. ക്യാമറ സ്ഥാപിച്ചതിൽ അഴിമതി ആരോപിച്ചുള്ള ഹർജി ഹൈക്കോടതിയുടെ പരിഗണനയിലാണ്. ഹർജിയിൽ തീരുമാനമായശേഷം സപ്ലിമെന്ററി കരാർ ഒപ്പിടാമെന്ന സർക്കാർ നിലപാടും കെൽട്രോണിനു തിരിച്ചടിയായി.

ജൂൺ അഞ്ചിനാണ് സംസ്ഥാനത്തൊട്ടാകെ 726 ക്യാമറകൾ സ്ഥാപിച്ചത്. ആദ്യത്തെ മൂന്നു മാസം പദ്ധതി നടത്തിപ്പിനായി കെൽട്രോണിനു നൽകേണ്ടിയിരുന്നത് 11.75 കോടിരൂപയായിരുന്നു. ഇതിനിടെ, പദ്ധതിയിൽ അഴിമതി ആരോപിച്ച് ഹൈക്കോടതിയിൽ ഹർജികള്‍ സമർപ്പിക്കപ്പെട്ടു. ഇതേ തുടർന്ന് കരാറുകാർക്ക് പണം കൈമാറുന്നത് തടഞ്ഞ കോടതി, കെൽട്രോണിന് 11.75 കോടിനൽകാൻ അനുവാദം നൽകി. എന്നാൽ കെൽട്രോൺ പലതവണ ആവശ്യപ്പെട്ടിട്ടും സർക്കാർ പണം അനുവദിച്ചില്ല. അടിയന്തരമായി പണം ലഭിച്ചില്ലെങ്കിൽ

പദ്ധതി നടത്തിപ്പിനായി കെൽട്രോണിന് ഒരു കോടിയോളം രൂപ പ്രതിമാസം ചെലവാകുന്നുണ്ട്. ഒരു ചല്ലാൻ അയയ്ക്കാൻ 20 രൂപയാണ് ചെലവ്. നവംബർ പകുതിവരെയുള്ള ചല്ലാനുകൾ അയച്ചു കഴിഞ്ഞു. പണമില്ലാത്തിനാൽ ചല്ലാൻ അയയ്ക്കുന്നത് പരമാവധി കുറച്ചിരിക്കുകയാണ്. മുൻപ് 33,000 ചല്ലാനുകൾ അയച്ചിരുന്ന സ്ഥാനത്ത് ഇപ്പോൾ അയയ്ക്കുന്നത് പതിനായിരത്തിൽ താഴെ മാത്ര മാണ്. കൺട്രോൾ റൂമിന്റെ വൈദ്യുതി ചാര്‍ജ്, ക്യാമറ കണക്ടിവിറ്റി ചാർജ്, ഇന്റർനെറ്റ് ചാർജ് എന്നിവയെല്ലാം കെൽട്രോണിന്റെ ഫണ്ടിൽനിന്നാണ് കൊടുക്കുന്നത്. ഇതിന് പുറമെ 145 കരാർ ജീവനക്കാരുടെ ശമ്പളവും കൊടുക്കണം.

Previous articleതമിഴ്നാട്ടിൽ വീണ്ടും ഏറ്റുമുട്ടൽ കൊലപാതകം: 2 ഗുണ്ടകൾ പൊലീസിന്റെ വെടിയേറ്റ് മരിച്ചു
Next articleവൈ​ഗ കൊലക്കേസ്: പിതാവിന് സനു മോ​ഹന് 28 വർഷം തടവും തുടർന്ന് ജീവപര്യന്തവും